Jeff Kinney 
Txango zoroa 
Gizajo baten egunkaria — Greg 9

Etxekoekin autoz txangoa egitea ikaragarri dibertigarria da, esaten dutenez… Heffleytarra ez bazara, behintzat.

Hasieran, erakargarria dirudi ibilbideak, baina, konturatzerako, ustekabeko hainbat gorabehera sortzen dira. Gasolindegian, komunak itxita; txerrikumea, bere onetik aterata; kaioak, aztoratuta… Eta ezerk ez du Gregek ongi pasatzeaz duen ikuspegiarekin inolako zerikusirik.

Txangorik zoroena ere abentura bihur daiteke, ordea, eta ez dirudi hau berehalakoan ahaztekoa izango denik!

IRAKURLEAK, GREGEKIN POZARREN!

Mundua barrez lehertzen jarri duen nazioarteko
bestsellerra.

Об авторе

JEFF KINNEY New York Timeseko 1. bestseller-egilea da, eta sei aldiz eskuratu du Nickelodeon Kids’ Choice Award sariketako libururik gogokoenaren saria. Munduan eragin gehien duten 100 pertsonetako bat da Jeff, Time aldizkariaren sailkapenaren arabera. Time aldizkariak 50 webgune onenetakotzat jotzen duen Poptropicaren sortzailea ere bada. Washington, D.C.n eman zuen haurtzaroa, eta, 1995ean, Ingalaterra Berrira aldatu zen. Gaur Jeff Massachusettsen bizi da, bere emazte eta bi semeekin, eta han An Unlikely Story liburu denda dute.