Daniel Zimakoff 
KF Mezzi 10 – Með takkana á lofti 

Er lífið fótbolti eða er fótbolti lífið?KF Mezzi er hætt komið. Krakkarnir þurfa að hafa sig öll við til að halda liðinu í deildinni. Það hafa margir hætt undanfarið og stelpurnar eru farnar að tala um að hætta líka. Þjálfararnir tala jafnvel um að sameina KF Mezzi og gamla liðið, KFK. Það hvarflar að Tómasi að hætta og einbeita sér bara að meistarabúðunum. En hvað verður þá um KF Mezzi?KF Mezzi er sería af fótboltabókum eftir Daniel Zimakoff. Serían fjallar um vinina Tómas, Sölva og Berg og gleði þeirra og vandamál með þjálfara, félaga og andstæðinga. Þeir taka þátt í að stofna fótboltaliðið KF-Mezzi, sem er blandað lið, því það eru líka stelpur með í liðinu.

Über den Autor

Daniel Zimakoff fæddist árið 1956 og er lærður bókasafnsfræðingur, en hefur starfað við ýmislegt, hann vann meira að segja sem leikari áður en hann gerðist rithöfundur. Frá árinu 1980 hefur hann skrifað fjöldann allan af barnabókum og vann til barnabókaverðlauna danska menningarmálaráðuneytisins árið 2004. Þegar hann er ekki upptekinn við að skrifa spilar hann fótbolta, blak, veggtennis, tennis, les bækur, horfir á sjónvarp og keyrir mótorhjól.