Autor: Wilbur Smith

WILBUR SMITH is in 1933 in Zambië gebore. Hy het by Michaelhouse in Kwa Zulu-Natal skool gegaan waar hy ’n skoolkoerant begin het voordat hy verder by Rhodes Universiteit studeer het. Nadat hy graad gekry het, het hy op sy pa se aandrang om “’n regte werk” te kry, as rekenmeester gewerk eerder as om sy droom om ’n joernalis te word, te volg. Na onsuksesvolle pogings om sy eerste boek te publiseer, het hy ’n voltydse skrywer geword toe «When the Lion Feeds» (vertaal en uitgegee deur Kwela Boeke as «Witwatersrand» in 2014) uiteindelik in 1964 gepubliseer is. Die mees waardevolle raad wat sy uitgewer aan hom gegee het, was om “net oor die dinge wat hy goed ken, te skryf”. Hy het sedertdien op Afrika gefokus. Tot op hede het hy meer as 30 topverkoper-romans geskryf wat altesaam meer as 120 miljoen kopieë wêreldwyd verkoop het. Sy romans is tans in 26 tale vertaal.