लेखक: Annemari Coetser

Annemari Coetser, ’n spoorwegkind, het op klein stasietjies dwarsoor die land grootgeword en daar was nooit genoeg boeke in hulle huis om haar leeslus te bevredig nie. Daarom het sy maar by kerslig vir haar boeties en sussie stories vertel. Sy was mal oor opstelle skryf. Sy gaan werk in Bloemfontein, trou jonk, woon in Amerika, Namibië en Pretoria. So tussendeur swot sy biblioteekkunde en werk lank as bibliotekaresse. Sy hou daarvan om te reis, foto’s te neem, te fliek, te lees. Die humor van haar drie liewe cheeky, lawaaierige kinders en hulle eggenotes bring balans in haar bestaan.