Lize Albertyn-du Toit 
Die kinders van Spookwerwe 

Milano Kaliempie is Mieta en Hennerik se enigste vlaktekuiken op die plaas Spookwerwe in die dorre Bo-Karoo. Hul buurman, Geelsuiker, leer Milano die geheime van die veld, ook jakkalsjag, en op die werf is dit Mieta wat soggens douvoordag brood inknie en die hartklop van hul bestaan is. Dis wanneer juffrou Meintjies die dag met haar wit karretjie by die huis aankom, dat die hol kol op Mieta se maag kom sit. Dis ’n roman wat soos die vaal stof van die Bo-Karoo diep in jou hart kom lê.

Mengenai Pengarang

Lize Albertyn-du Toit is gebore en getoë op Bethal in Mpumalanga, maar ná voorgraadse studies aan die Universiteit van Pretoria voltooi sy haar honneurs in sielkunde by Stellenbosch. Sy boer saam met haar man op die plaas Vlakkerug naby Riebeek-Wes, en sy het twee seuns. Deesdae is sy ook remediërende onderwyser by Riebeeck Vallei Spesiale Skool.