Annie Klopper 
Die tragiese saak van Pamina Vermaak 

Toe Pamina Vermaak op skouspelagtige wyse by die werk uitfreak, sit sy skielik sonder inkomste. Druipstert keer sy terug na haar ma-hulle op die klein Weskusdorp Witwaterbaai – ’n plek wat sy gesweer het haar nooit weer sou sien ná ’n fiasko elf jaar gelede nie. Maar nou moet sy tog haar onkonvensionele gesin, van wie sy vervreem geraak het, in die oë gaan kyk. Intussen lek steelfoto’s uit van rockster Wolf de Jager se verloofde, aktrise Daniella du Toit, waar sy hom verneuk. Hy gaan kruip weg vir die paparazzi op Witwaterbaai, maar met sy swart leerbaadjie staan hy juis uit op hierdie dorp van kreeftrek en stoepsit. Daar, terwyl hy sukkel om songs te skryf, kruis Pamina sy pad – ʼn girl wat haar eie wysie volg . . . Die tragiese saak van Pamina Vermaak is eerlik en eietyds – ’n romantiese komedie sonder gelyke in Afrikaans.

About the author

Annie Klopper het grootgeword tussen die mynhope van die Vrystaat, langs die viswaters van die Weskus en midde-in die punk rock-rewolusie in Kaapstad se noordelike voorstede. Vir die afgelope dekade woon sy in Seepunt. Die tragiese saak van Pamina Vermaak is haar eerste roman.