Albert Blake 
Ontsnap! 
Boerekrygsgevangenes se strewe na vryheid

Onstuitbaar en vreesloos. Só was die Boerekrygers wat gedurende die Anglo-Boereoorlog uit krygsgevangekampe probeer ontsnap het. Niks sou hulle keer om weer vry te wees nie: nie ’n moontlike skietdood, ’n oseaan vol haaie, die gevaar om van ’n bewegende trein af te spring of ’n tonnel wat op hulle kon inval nie. In hierdie boek bring Albert Blake van die mees gewaagde ontsnappingspogings deur Boerekrygsgevangenes byeen. Hulle verstom met hul vindingryke planne om die Britse owerhede te uitoorlê en weg te kom uit kampe in Suid-Afrika en Indië, maar ook op die eilande van Bermuda, St. Helena en Ceylon. Hierdie opwindende, ware verhale getuig van mannemoed en die oorwinning van die menslike gees.

Über den Autor

Albert Blake is die skrywer van die topverkoper ‚Boereverraaier: Teregstellings tydens die Anglo-Boereoorlog‘ (2010) wat ook in die rolprent, ‚Verraaiers‘, omskep is. Blake is ’n prokureur van beroep, maar sy passie vir geskiedenis is só groot dat hy al twee meestersgrade daarin behaal het – al twee cum laude. Hy het al drie boeke op sy kerfstok, waaronder ‚Boerekryger: ’n Seun se hoogste offer‘ en ‚Moord-en-roof: In die kop van ’n baasspeurder‘. Tussen sy navorsing en besoeke aan die nasionale argief in Pretoria en die Oorlogsmuseum in Bloemfontein bedryf hy steeds ’n prokureurspraktyk in Roodepoort.